SAR
Províntzia de su Sud Sardigna e Comunu de Biddacidru: Su 8 de Friaxu 2022 a is h. 16.00 (cuatru de a merí) in su Palàtziu de s'Obispu, in bia Vittorio Emanuele 15, in Biddacidru nc'est sa presentada de s'Agenda 2022 de sa Províntzia de su Sud Sardigna dedicada a is artistas/ pintoras e pintoris sardus.
Sa presentada dd' ant organizada is assótzius culturalis "Sarditinera onlus" e "Sa Bertula Antiga", gestoris de is Sportellus linguísticus, chi ant benefitziau de s'agiudu pretziosu de s'assótziu
" Associazione Centro Culturale e di Alta Formazione APS", de Prof. Marco Peri, de su " Museo MAGMMA - Museo d'Arte Grafica del Mediterraneo Marchionni".
Intervenint a sa presentada:
Prof. Marco Peri, Insennianti de Stória de s'Arti e de Didàtica museali;
Dot. Walter Marchionni, Diretori de su museu "MAGMMA. Museo d'Arte Grafica del Mediterraneo Marchionni " e pintori;
Dot.ra Annalisa Caboni, operadora de s'Ufítziu de Língua Sarda de sa Províntzia de su Sud Sardigna, sea de Biddacidru;
Dot. Salvatore Sarigu, Presidenti de s'assótziu culturali "Sa Bertula Antiga";
Dot. Rinaldo Spiga, Vitzepresidenti de s'assótziu culturali "Sa Bertula Antiga".
Apustis is partitzipantis podint abbisitai a indonu, gràtzias a Dot. Marchionni, su "Museo MAGMMA".
Po arrespetai is dispositzionis contra a su Covid is postus a sétziri funt limitaus duncas po partitzipai tocat a si prenotai mandendi una e-mail a:
annalisa.caboni@provincia.sudsardegna.it
o telefonendi a su númunu: 3890191709
Si podit intrai scéti cun su Green pass afortiau (lassapassai) e cun sa mascherina Ffp2.
Po donai sa possibbilidadi a totus is interessaus de partitzipai, sa cuferéntzia si podit sighiri puru in sa piataforma ZOOM po médiu de s'acàpiu (link):
https://us02web.zoom.us/j/86846532903?
pwd=TzhDM3psb2hkdmZacTYxTFNaRUV6dz09
Po intrai in sa cuferéntzia non bastat s'acàpiu ma tocat a ai scarrigau innantis sa piataforma ZOOM a indonu.
Sa presentada de s'Agenda fait parti de is atividadis culturalis de s'annualidadi 2021 finantziadas de sa Regione Autònoma de Sardigna cunforma a sa L.482/99 e a sa L.22/2018.
Is assótzius "Sarditinera onlus" e "Sa Bertula Antiga", po sa presentada de s'Agenda 2022 de sa Províntzia de su Sud Sardigna, torrant gràtzias a Totus is chi ant donau un'agiudu pretziosu e de profetu a organizai s'acontéssiu e intra de custus: s'Assessorau a sa Cultura, Spetàculu e Lingua Sarda de su Comunu de Biddacidru, Prof. Marco Peri, su " Museo MAGMMA - Museo d'Arte Grafica del Mediterraneo Marchionni" e s'assótziu " Associazione Centro Culturale e di Alta Formazione APS".
Si abetaus.