SARDU
Províntzia de su Sud Sardigna e s'Unioni de is Comunus "Monte Idda e Fanaris": Sa Províntzia de su Sud Sardigna e s'Unioni de is Comunus "Monte Idda e Fanaris", aintru de su progetu "Sighidura de sa sperimentatzioni linguística", faint sciri a is tzitadinas e a is tzitadinus chi funt abertas is iscritzionis po su Cursu de Língua Sarda de I livellu (30 oras). Su cursu s’at a fai in prataforma ZOOM e at a inghitzai mércuris 09 de Martzu 2022 da ora de is 16.30 a ora de is 19.30.
Po s’iscriri ddoi at tempus fintzas a sa giorronada de su 08 de Martzu 2022.
Su cursu est a indonu, ca ddu finàntziat sa Regioni Autònoma de Sardìnnia cunforma a sa L. 482/99, ”Normas de amparu de is Minorias linguísticas stóricas", e a sa L.22/2018.
Totus podint abitai su cursu ma custu no inghitzat si non ddoi at assumancu 20 iscritus, diaici cumenti arrecumandat sa Regione Autònoma de Sardìnnia, po custu s’invitant a s’iscriri scéti is chi funt diaderus motivaus a sighiri su cursu in manera fitiana, ca desinuncas, si in s'interis mancat su númeru de is corsistas, tocat a firmai su cursu.
Is mollus de iscritzioni ddus podeis agatai me in su giassu: www.limbasardasudsardigna.it e ddus depeis mandai cumprius a:ufitziulinguasarda1@gmail.com , ufitziulinguasarda2@gmail.com
Su cursu est de 30 oras pratzias in 10 letzionis de 3 oras donniuna.