SARDU
Províntzia de su Sud Sardigna: Sa Províntzia de su Sud Sardigna in su cuntestu de su progetu "Sighidura de sa sperimentatzioni linguística", fait sciri a is tzitadinas e a is tzitadinus chi funt abertas is iscritzionis po su Cursu de Língua Sarda de I livellu (30 oras). Su cursu si fait in sa piataforma ZOOM e at a inghitzai lunis 7 de Marztu 2022 h. 16,45 (cincu mancu cuartu). Is letzionis ddas fait sa Dot.ra Carla Asunis.
Po si iscriri ddoi at tempus fintzas a mesudì de su 6 de Martzu 2022.
Su cursu est a indonu, ca ddu finantzat sa Regioni Autònoma de Sardigna cunforma a sa L. 482/99, Normas de amparu de is Minorias linguísticas stóricas", e a sa L.22/2018.
Totus podint abbitai su cursu ma custu non inghitzat si non ddoi at assumancu 20 iscritus, diaici cumenti arrecumandat sa Regione Sardigna, po custu motivu si cumbidant a si iscriri scéti is chi funt diaderus motivaus a sighiri su cursu in manera fitiana, ca de asinuncas, si in s'interis mancat su númunu de is corsistas, tocat a truncai su cursu.
Is mollus de iscritzioni ddus agatai in su giassu: www.limbasardasudsardigna.it e ddus depeis mandai cumpilaus a: annalisa.caboni@provincia.sudsardegna.it
Po àteras sceras tocat a mandai una e-mail a: annalisa.caboni@provincia.sudsardegna.it o telefonai a su númunu: 3890191709
Su cursu est de 30 oras pretzidas in 10 letzionis de 3 oras donniuna.
Calendàriu de is letzionis:
Lunis 7 de Martzu h. 16,45
Lunis 14 de Martzu h. 16,45
Lunis 21 de Martzu h. 16,45
Lunis 28 de Martzu h. 16,45
Lunis 4 de Abrili h. 16,45
Lunis 11 de Abrili h. 16,45
Martis 19 de Abrili h. 16,45
Martis 26 de Abrili h. 16,45
Lunis 2 de Maju h. 16,45
Lunis 9 de Maju h. 16,45