SARDU
Províntzia de su Sud Sardigna: Sa Províntzia de su Sud Sardigna imparis cun is Comunus alleaus in su progetu "Sighidura de sa sperimentatzioni linguística", cunformas a sa L. 482/99 "Normas in matéria de amparu de is minorias linguísticas stóricas", fait sciri a totus is tzitadinus chi su Cursu de Língua Sarda de II livellu si fait "on line" e inghitzat su 23 de Làmparas, in sa piataforma Zoom. Su cursu est de 20 oras pretziu in 6 letzionis de 3 oras donniuna e 1 de duas oras.
Su cursu est abertu a totus, puru a is chi non funt residentis in su territóriu de sa Províntzia de su Sud Sardigna.
Is mollus po s'iscriri e is chistionarius de satisfatzioni ddus podeis scarrigai de su giassu: www.limbasardasudsardigna.it opuru podeis mandai una "e-mail" a: annalisa.caboni@provincia.sudsardegna.gov.it
Su chistionàriu de satisfatzioni de cumpilai a s’acabbu de su labboratóriu tocat a ddu torrai a mandai a: annalisa.caboni@provincia.sudsardegna.gov.it
Po sceras ténnicas, chi pertocant s’intrada a sa piataforma e àteru, podeis mandai una “e-mail” a: annalisa.caboni@provincia.sudsardegna.gov.it
Su cursu est a indonu.
Programma:
Su sintàgama nominali: su nòmini: genia e númeru, piessignus de sa fueddada sarda; s’artículu; su pronòmini; sa prepositzioni; s’agetivu.
Leturas de testus literàrius popolaris e de Autori.
Istúdiu de su léssicu
CALENDÀRIU DE IS LETZIONIS
Martis 23 de Làmpadas 2020 h. 16.00 – 19.00
Gióbia 25 de Làmpadas 2020 h.16.00 – 19.00
Martis 30 de Làmpadas 2020 h. 16.00 – 19.00
Gióbia 2 de Argiolas 2020 h. 16.00 – 19.00
Martis 7 de Argiolas 2020 h. 16.00 – 19.00
Gióbia 9 de Argiolas 2020 h. 16.00 – 19.00
Martis 14 de Argiolas 2020 h. 16.00 – 18.00
1 Is Comunus alleaus de sa Províntzia de su Sud Sardigna po is progetus finantziaus cunformas a sa L. 482/99, Annualidadi 2018, funt: Biddacidru, Gùspini,Carbònia, Seddori, Igrèsias, Isili, Pabillonis, Serrenti, Biddanoa de Forru, Mara Arbarei, Nuràminis, Biddaspitziosa, Ussaramanna, Giauni, Turri, Teulada, Scalepranu, Stersili, Gesturi, Goni.