SARDU
Comunu de Carbònia: Abetendi s'inghitzu de sa stasoni de prosa e de dantza 2020, sighint is spetàculus de primori in su Teatru Tzentrali de Pratza Roma. Cenàbara 13 de Meseidas 2019, a is noioras mancu cuartu de a noti (20.45), Alessandro Vallin e Stefano Laconi funt is protagonistas de su spetàculu de su generi de su teatru cómicu-circensi, intitulau "Le Sommelier", organizau de su CEDAC cun s'agiudu de su Comunu de Carbònia.
Una tastadura cun unu livellu artu de comitzidadi, unu spetàculu chi si fait adasiu adasiu, intra de càlixis e ampuddas chi bolant, echilibrismus estremus, tassas musicalis e ampuddas sonoras, innui is "Freakclown" sprorant su mundu de su binu a sa manera cosa insoru, cun una comitzidadi física e originali. Is duus palliatzus si mudant in "sommelier" improbbàbbilis, donendi vida a unu spetàculu chi ponit imparis música, strumentus originalis e únicus, acrobbatzias, maja e poesia, portendusí in su mundu màgicu de su binu.