SARDU
Comunu de Serrenti: Su Comunu de Serrenti in collaboratzioni cun s’Unioni de is Comunus “Terras de Campidanu”, s’Universidadi de Casteddu, “Sa Tzitadi de su Làdiri”, S’Assòtziu “Paesaggi Connessi” organizat sa manifestatzioni culturali Pedra- tretus de paesàgiu chi si fait su 23 e su 24 de Donniasantu in sa bidda de Serrenti in sa “Domu in Làdiri-Vetrina in Terra Cruda”, in Bia Santa Bràbara. TerrAccogliente – Itineràriu Turìsticu Culturali, est su progetu de s’Assótziu internatzionali de su Làdiri (Terra cruda), chi po mesu de atividadis diferentis, pertocat sa valorizatzioni e sa promotzioni de su paesàgiu, amparendi e alloghendi s’identitadi stórica, impreendi materialis naturalis de su connotu cumenti a sa pedra e a su làdiri. Si arraxonat apitzus de sa cultura de sa pedra e de s’impreu cosa sua, de sa Trachite de Serrenti utilizada po traballus de costrutzioni e de decoratzioni e de s’arti in generali.
PROGRAMMA
CENÀBARA SU 22 DE DONNIASANTU
A is noi oras de a mengianu (09.00)
Scola primària de Serrenti, Laboratóriu de làdiri cun is pipius po contu de s’Assótziu Terras;
SÀBUDU SU 23 DE DONNIASANTU
A is duas e mesu a pustis pràngiu (14.30)
Domu in Làdiri (Vetrina in terra cruda), in Bia Santa Bràbara
Saludus de su Síndigu de Serrenti Leo Talloru
Cunferéntzia
Sa pedra e su tempus: caraterísticas de sa “Pedra de Serrenti”
Prof.ssa Paola Meloni- Universidadi de Casteddu
Sa pedra in s’arti contemporànea
Prof. Laconi Carlo Salvatore III – Artista glocal e Progetista de su paesàgiu
Dott.ssa Tamara Follesa- Peritu d’arti
A is cuatru e mesu de a merí (16.30)
Passillada in su centru stóricu de Serrenti po castiai is potabis in pedra,
po contu de S’Assótziu Terras
A is ses e mesu de a merí (18.30)
Domu in Làdiri (Vetrina in terra cruda), in Bia Santa Bràbara
Cumbidu e música cun Lino Talloru acumpangiau de s’Assótziu Culturali SUONA.
DOMINÍGU SU 24 DE DONNIASANTU
De is dexi de a mengianu (10.00) a is tres e mesu a pustis pràngiu (15.30)
Domu in Làdiri (Vetrina in terra cruda), in Bia Santa Bràbara
Workshop
Tretus de paesàgiu
Prof. Laconi Carlo Salvatore III – Artista glocal e Progetista de su paesàgiu
Dott.ssa Tamara Follesa- Peritu d’arti
Giacomo Locci – Maistu de pedra – Sarda trachiti
Fabio Corongiu – Espertu màchina a controllu numéricu- Sarda Trachiti
A is tres e mesu (15.30)
Domu in Làdiri (Vetrina in terra cruda), in Bia Santa Bràbara
Cumbidu e música cun Matteo Zuccheddu acumpangiau de s’Assótziu Culturali SUONA.
Po si iscriri a su Laboratòriu a indonu chi s’at a fai de is dexi a is tres e mesu depeis imbiai una mail a info.terraccogliente@gmail.com.