PROGETU LINGUÍSTICU UNITÀRIU/ CIRCA LINGUÍSTICA “2000 FUEDDUS"
Sa Províntzia de su Sud Sardigna, cunformas a sa Delibberatzioni de G.R. n. 63/37 de su 25 de Donniasantu 2016, at agiudau a sa cumpridura de unu progetu linguísticu prumóviu de sa Regioni Autónoma de Sardigna “Progetu Linguísticu Unitàriu”. Ogetu de su progetu fiat una circa lessicogràfica chi punnàt a regolli po dónnia comunu alleau de su progetu una lista de 2000 fueddus, intra de is prus umperaus, chi currispundint a su 86% de is fueddus repítius in is chistionadas e in is scritus. Su chi est nau “léssicu de fundamentu”.
Is Comunus alleaus de sa Províntzia chi fiat Cabufila in su “Progetu Linguísticu Unitàriu” fiant:
- Comunu de Seddori;
- Comunu de Gùspini;
- Comunu de Serrenti;
- Comunu de Pabillonis;
- Comunu de Mara Arbarei;
- Comunu de Giauni;
- Comunu de Biddacidru;
- Comunu de Igrésias;
- Comunu de Murera;
- Comunu de Biddeputzi.
Is circadoris fiant 4 po dónnia comunu e depiant regolli, de is informadoris localis, is fueddus in is variedadis localis spetzíficas de dónnia comunu interessau.
Is informadoris fiant 2 po dónnia comunu, unu mascu e una fémmina, e depiant tenni is rechisitus chi sighint:
- non tenni prus pagu de 70 annus;
- essi nàscius in su comunu innui si fadiat sa circa;
- chistionai su sardu;
- sciri ligi e scriri;
- non essi mai disterraus;
- non tenni prus de sa tertza média.
Apustis chi is informadoris ant scritu is fueddus, is circadoris ant providiu a ddus torrai a scriri aguallis, est a nai chentza nisciunu interventu de curretzioni ortogràfica, in unu documentu (file formau Excell) e a registrai is informadoris.
Obietivus de su progetu fiant:
- agiudai su Progetu Linguísticu Unitàriu cun s'avaloramentu de is bariedadis linguísticas fueddadas e scritas in usu in su territóriu de is seti comunus de su Campidanu de Mesu, 2 comunus in su Sarrabus (Murera e Biddeputzi) e unu comunu in su Sulcis (Igrésias);
- agiudai a ammanniai su númunu de is fueddus de sa língua sarda;
- agiudai a ammanniai su númunu de is fueddus de su CROS (Curretori Regionali Ortogràficu Sardu);
- agiudai a apariciai unu "corpus" de fueddus chi siat referentziau geograficamenti in manera pretzisa;
- agiudai a avalorai sa richesa de is geosinónimus de su sardu.
Númunu Comunus: 10
Númunu oras in totu: 1000
Númunu oras po dónnia Comunu: 100
Númunu circadoris interessaus: 5
Númunu oras po dónnia circadori: 200
Paga orària po dónnia circadori (25,00 euro totu cumpresu cumenti de allegau2 D.G.R. 24/37 de su 27 de Làmparas 2013): € 25,00
COSTU PROGETU IN TOTU: € 28.606,23