Comunu de Biddacidru: Su Comunu de Biddacidru, alleau de su Comunu de Seddori in su progetu "Terras de Marmilla, Linas e Campidanu", fait isciri a is tzitadinas e a is tzitadinus chi funt abertas is iscritzionis po su labboratóriu in Língua Sarda de Disénniu e Pintura chi inghitzat su 20 de Martzu 2024, h. 15:30 – 18:30 in sa Mediateca comunali "Fabrizio de Andrè", bia Parrocchia 190, Biddacidru. Su labboratóriu est a indonu. Po si iscriri ddoi at tempus fintzas a is tres de a merí (h. 15:00) de su 16 de Martzu 2024.

Províntzia de su Sud Sardigna: Scadit cenàbara 27 de Meseladàmini sa domanda de Manifestatzioni de interessamentu po Operadoris/Operadoras de Sportellu de Língua Sarda po su progetu  " Sighidura de sa Sperimentatzioni Linguística Províntzia de su Sud Sardigna” (L.R. 22/2018, art. 10, commas 3, 4 e 5 e

L. 482/99).

Comunu de Seddori: Scadit lunis 23 de Meseladàmini sa domanda de Manifestatzioni de interessamentu po Operadoris de Sportellu de Língua Sarda po su progetu regionali " Terras de Marmilla, Linas e Campidanu"chi inghitzat in Seddori in su mesi de Dónniasantu 2023.

Comunu de Seddori: Apuntamentu su 9 de Austu in Seddori cun “Calici di Stelle”. In programma unu bríndisi de mesu istadi cun unu scioberu de binus de su nord a su sud de sa Sardigna in unu scenàriu de atrus tempus e un’acabbussu in is annus '80 cun Pino D'Angiò, icona pop e de sa disco italiana, chi de is 10 mancu cuartu (21,45) at fai baddai su púbblicu cun is notas de is sucessus suus, cumenti a su prus connotu “Ma quale idea”.

Comunu de Mara:  S'Assótziu Turísticu Proloco marese "Maracalagonis" cun su patrotzíniu de su Comunu de Mara e paris cun sa Cantina de Quartu Sant'Aleni cun sea in Mara organizat sa de 4 editzionis de “Calici a Torre delle Stelle”. Binu, saboris, Arti, música, mari... e steddus chi ndi arruint....S’apuntamentu est sàbudu su 12 de Austu 2023 in Localidadi "Torre delle Stelle", Parcu Giogus de bia Sagittario (Mara)

Comunu de Murera:  Su 9 de Austu a de noti Murera at a diventai su coru chi batit de un’ísula chi stràngiat e contat is màscars prus bellas e apretziadas de sa stória nosta. Presentat Giuliano Marongiu. In direta in Sardegna Live.

Comunu de Quartu Sant'Aleni:  Sighit pustis de su primu fini de cida de apuntamentus s’arressigna “Incanti” in su Nuraxi Diana e in sa Villa Romana.  Su programma de custu acabbu de cida biit sàbudu su 5 de Austu in su Nuraxi Diana sa presentada de su libru “Lontano dalle vite rabberciate”, chi at scritu Gianluca Celestino Cadeddu.  Domínigu su 6 de Austu, a is 9 oras de a merii (21.00), logu a sa música. In su scenàriu eciseri in is peis de su nuraxi Diana ant a sonai is notas de is ‘Bob Montalbano Swing Bros’ 

Comunu de Biddacidru: Inghitzant de cenàbara 4 de Austu is afestus religiosus e tzivilis in onori de Santu Sisinni Màrtiri e acabbant lunis 7 de Austu.

In s'opúscolu totus is minudus de is logus, de is oràrius e de is indicatzionis stradalis po lompi in is logus de is acontéssius.