SARDU
Comunu de Carbònia: Su Comunu de Carbònia, alleau de sa Províntzia de su Sud Sardigna in is progetus "Sighidura de sa sperimentatzioni linguística", fait sciri a totus is tzitadinus chi a lestru incumentzat su Cursu de Língua Sarda de I livellu chi si fait in sa retza ("on line"), in sa piataforma Zoom.
- Su cursu de primu livellu est de 20 oras, dotzenti Roberto Pinna, pratziu in 8 letzionis de 2 oras e mesu donius;
Su cursu est abertu a totus, puru a is chi non funt residentis in su Comunu de Carbònia o in su territóriu de sa Províntzia de su Sud Sardigna o bivint foras de sa Sardigna.
Po calisiat scera chi pertocat su cursu de I LIVELLU, s'intrada in sa piataforma, po pediri is mollus o ddus torrai cumpilaus tocat a mandai una "e-mail"a : ULS-Sulcis@tiscali.it opuru podeis telefonai a su 3935972675.
Is mollus po s'iscriri e is chistionarius de satisfatzioni ddus podeis scarrigai de su giassu: www.limbasardasudsardigna.it
Su cursu est a indonu, ca ddu finantziat sa Regione Autònoma de Sardigna cunformas a sa L.482/99 " Normas in materia de amparu de is minorias linguísticas stóricas".
CALENDÀRIU DE IS LETZIONIS CURSU DE PRIMU LIVELLU
mèrcuris 28 de mesi de ladàmini h. 17:00 – 19:30
cenàbara 30 de mesi de ladàmini h. 17:00 – 19:30
mèrcuris 4 de donniassantu h. 17.00 – 19:30
cenàbara 6 de donniassantu h. 17.00 – 19:30
mèrcuris 11 de donniassantu h.17.00 – 19:30
cenàbara 13 de donniassantu h. 17.00 – 19:30
mercuris 18 de donniassantu h. 17.00 – 19:30
cenàbara 20 de donniassantu h. 17.00 – 19:30